ಬಾಂಗ್ಲಾದೇಶ ಗಡಿಯಲ್ಲಿ ಅಕ್ರಮ ಪ್ರವೇಶಿಸಿದ ಚೀನೀ ಪ್ರಜೆಯನ್ನು ವಶಕ್ಕೆ ಪಡೆದ ಬಿಎಸ್ಎಫ್ | ಜನತಾ ನ್ಯೂಸ್
1932
ಮಾಲ್ಡಾ : ಚೀನಾದ ಪ್ರಜೆಯೋರ್ವನನ್ನು ಇಂದು ಗುರುವಾರ ಪಶ್ಚಿಮ ಬಂಗಾಳದ ಮಾಲ್ಡಾ ಪ್ರದೇಶದಲ್ಲಿ ವಶಕ್ಕೆ ಪಡೆಯಲಾಗಿದೆ. ಬಾಂಗ್ಲಾದೇಶ ಮತ್ತು ಭಾರತದ ಗಡಿಯಲ್ಲಿ ಈ ಚೀನಾದ ಪ್ರಜೆಯನ್ನು ಬಿಎಸ್ಎಫ್ ಪಡೆಗಳು ತಡೆಹಿಡಿದಿವೆ.
ಉತ್ತರದ ಲಡಾಖ್ ಪ್ರದೇಶದ ಗಡಿಬಾಗ ಹಾಗೂ ಪಂಗೊಂಗ್ ತ್ಸೋ ಸರೋವರದ ಕೆಲವು ಬಾಗಗಳ ಕುರಿತು ಚೀನಾ ತನ್ನ ನಿಲುವನ್ನು ಇನ್ನೂ ಸ್ಪಷ್ಟಪಡಿಸದೇ, ಪದೇಪದೇ ಬಣ್ಣ ಬದಲಿಸುತ್ತಾ ಇದೆ. ಈ ಮಧ್ಯೆ ಚೀನಾ ಸೈನಿಕರು, ಯಾತ್ರಿಗಳು ಗಡಿ ದಾಟಿ ಬಂದಿದ್ದು. ದಾರಿ ತಪ್ಪಿ ಬಂದಿರುವುದಾಗಿ ಅವರಿಗೆ ಸೂಕ್ತ ವೈದ್ಯಕೀಯ ಚಿಕಿತ್ಸೆ ನೀಡಿ ಚೀನಾಗೆ ಹಸ್ತಾಂತರಿಸಿದ ನಿದರ್ಶನವಿದೆ.
ಆದರೆ, ಇಂದು ಸಿಕ್ಕ ವ್ಯಕ್ತಿಯ ನಡತೆ ಸಂಶಯಾಸ್ಪದ ವಾಗಿದ್ದು, ಸದ್ಯಕ್ಕೆ ಬಿಎಸ್ಎಫ್ ವಶದಲ್ಲಿರುವ ಈ ಚೀನಾದ ವ್ಯಕ್ತಿಯ ವಿಚಾರಣೆ/ಸಂದರ್ಶನವನ್ನು ಸಂಬಂಧಪಟ್ಟ ಏಜೆನ್ಸಿಗಳು ನಡೆಸುತ್ತಿವೆ.
ಪಶ್ಚಿಮ ಬಂಗಾಳದ ಮಾಲ್ಡಾದ ಗಡಿ ಪ್ರದೇಶದಲ್ಲಿ ಬಿಎಸ್ಎಫ್ ಸೈನಿಕರು ಇಂದು ಬೆಳಿಗ್ಗೆ 6ಗಂಟೆ ಸುಮಾರಿಗೆ 35 ವರ್ಷ ವಯಸ್ಸಿನ ಚೀನೀ ಪ್ರಜೆಯನ್ನು ತಡೆಹಿಡಿದು ವಿಚಾರಣೆ ನಡೆಸಿದ್ದಾರೆ. ಪಡೆಗಳು ಅವನನ್ನು ಪ್ರಶ್ನಿಸಿದಾಗ, ಆ ವ್ಯಕ್ತಿ ತೃಪ್ತಿದಾಯಕರ ಉತ್ತರವನ್ನು ನೀಡಲಿಲ್ಲ.
ಆದ್ದರಿಂದ, ತಕ್ಷಣವೇ ಸಂಬಂಧಪಟ್ಟ ಏಜೆನ್ಸಿಗಳಿಗೆ ಮತ್ತು ಸ್ಥಳೀಯ ಪೊಲೀಸರಿಗೆ ಮಾಹಿತಿ ನೀಡಲಾಯಿತು, ಏಜೆನ್ಸಿಗಳು ಆತನನ್ನು ಪ್ರಶ್ನಿಸುತ್ತಿವೆ. ಇನ್ನೂ ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.
